Праект ” Месцы і людзі – агульная спадчына, агульная памяць. Інтэрнэт- даведнік ” . Даведнік абапіраецца на праект “Страчаныя межы. Па слядах II Рэчы Паспалітай”, створаны ў 2020 годзе Падляскім філіялам Асацыяцыі “Польская Супольнасць” . На гэты раз справа тычыцца Беларусі. У даведніку прадстаўлены месцы і асобы , важныя для польскай ідэнтычнасці і ідэнтычнасці беларусаў – аспекты агульныя і важныя выключна для свядомасці польскага і беларускага народаў. Сабраны матэрыял уяўляе сабой своеасаблівы інтэрактыўны даведнік па агульнай гісторыі двух народаў – польскага і беларускага, і прадстаўлены на сайце “Месцы і людзі – агульная гісторыя, агульная памяць”.
Выбраныя постаці і месцы дазваляюць пазнаёміцца з рознымі пунктамі гледжання і гістарычнымі аповедамі- польскімі і беларускімі . Сабраныя матэрыялы прадстаўлены на дзвюх мовах- польскай і беларускай. Над даведнікам працавалі тры каманды : дзеячы польскай дыяспары – журналісты і гісторыкі , якія ўваходзяць у склад Саюза Палякаў на Беларусі; гісторыкі , звязаныя з гродзенскай грамадскай арганізацыяй “Цэнтр Гарадскога Жыцця”; грамадскія дзеячы (гісторыкі і настаўнікі польскай мовы), якія супрацоўнічаюць з Падляскім філіялам Асацыяцыі “Польская Супольнасць”, звязаны з Беларускім Гістарычным Таварыствам і ўніверсітэтам у Беластоку. На сайце прадстаўлены фотаздымкі, відэаблогi, відэафайлы, гутаркі з экспертамі і тэксты інфармацыйнага характару.
МАТЭРЫЯЛЫ ПАДАБРАНЫ ТАКІМ ЧЫНАМ, КАБ ВЫЯВІЦЬ ГІСТАРЫЧНЫ АСПЕКТ АПІСАНЫХ МЕСЦАЎ І ЎЗГАДАНЫХ АСОБАЎ , АЛЕ ПЕРШ ЗА ЎСЁ , КАБ РАСКРЫЦЬ ТЭМУ З ПУНКТУ ГЛЕДЖАННЯ ЧАЛАВЕЧЫХ ЭМОЦЫЙ, СУБ’ЕКТЫЎНЫХ НАЗІРАННЯЎ І АСАБІСТЫХ РАЗВАЖАННЯЎ.
Даведнiк адлюстроўвае кропку гледжання марудлівага мінака. Ён спыняецца на дэталях, уважліва разглядаючы з’явы, разважаючы над імі , каб паказаць штодзённасць і разам з тым выявіць незвычайнасць месцаў і людзей.
Інтэрнэт-даведнiк прызначаны для ўсіх, хто цікавіцца гісторыяй Вялікага Княства Літоўскага і Рэчы Паспалітай, яе сацыяльнымі, палітычнымі і эканамічнымі ўмовамі. Асабліва цікавы даведнік для тых, хто пражывае за межамі Рэспублікі Польшча. Карысны ён таксама людзям, якія захапляюцца агульнай спадчынай Вялікага Княства Літоўскага і Рэчы Паспалітай. Гэта спрыяе разуменню польска-беларускіх стасункаў і заахвочвае да супрацоўніцтва паміж народамі на аснове культурнай, навуковай і грамадскай дзейнасці.
ależy nam zwłaszcza na dotarciu do licznego grona
Мы вельмі зацікаўлены, каб нас пачулі шматлікія беларусы і палякі, якія, жывучы ў Беларусі побач, адзін пры адным , зразумелі, што іх аб’ядноўвае клопат аб агульнай спадчыне.
Праект прадугледжвае абмен аповедамі аб адных і тых жа месцах. Ствараючы даведнік на польскай і беларускай мовах , мы маем на мэце быць зразумелымі для моладзі, навучэнцаў беларускіх дзяржаўных і грамадскіх школ , а таксама для ўсіх асоб з беларускага і польскага асяроддзя , асабліва для беларусаў, якія лічаць сімваламі Радзімы бел-чырвона-белы сцяг і Пагоню.
Нам важна давесці польскаму грамадству, што беларусаў з палякамі больш звязвае, чым падзяляе. Абедзве нацыі растуць на агульных традыцыях.
